[align=right]قصه كثير عجبتني وحبيت انقلها لكم وعلى شكل اجزاء مرتبة
انشاء الله تعجبكم وتنسجمون مع القصة ولا تحرموني ردودكم ,,,,
الجزء الاول
****************
ابطال قصتي حقيقيون .. والقصه حدثت على ارض الواقع قصه تجمع بين الحب والاصرار في مواجهة العقبات وتنبأ بميلاد قصه حب طاهره و قوية ونادرة في هذا الزمن .. تعالو معي لنتعرف على ابطال قصتنا
مريم : مريم بنت ولا كل البنات جمال واخلاق عمرها 18 الله عطاها جمال ما ينوصف عيون سود ووساع رموش سود وكحيلة. الأنف صغير ومرسوم بشره بيضاء وصافية شعر كأنه قطعه حرير سودا وكانت رشيقه على مليانه.
سلمان : سلمان شاب طموح عمره 23 وسيم ما كان يعيبه شي محبوب بين ربعه وهله دمه خفيف و حنون ملامحه قويه لونه على اسمر شوي جسمه عريض وطويل ماشاء الله
عائلة مريم من اكبر واعرق العائلات في البحرين معروفه بالسمعه والاصاله والنعمه الي الله انعم عليهم
نرجع للبطله مريم كانت اصغر وحده في البيت ودانه اختها الكبيره 20 سنه تدرس بالجامعه دانه كانت عكس مريم في كل شي كانت الله ما عطاها مثل جمال اختها بس عطاها عيون تذبح ولون يهبل واخوها محمد 23 يشتغل ام مريم كانت مثال الام الطيبه و الحنون وابوها كان يمووووت بشي اسمه مريم كان دايما يقول لها اخر العنقود سكر معقود وماكان يشتهي ياكل الا ومريم معه يعني كان مدلعها اخر دلع وكل شي تبيه يتنفذ بس مريم كانت هادية بطبعها ورقيقه ماينسمع لها صوت عكس اختها دانه كانت شيطانه وملسونه ومسويه جو في البيت
شريفه صديقه مريم مع بعض في المدرسه و24 ساعه مطيحين في بيوت بعض اول ما يرجعون من المدرسه على طول يتصلون في بعض و بعدها يتكلمون على المسنجر والعصر يتلاقون شريفه بنت عمرها 18 سنه حلوه كثير واخلاقها عسل حبوبه يموتوون فيها اهل مريم وماكانو يرتاحون حق اي وحده غير شريفه .. مريم كانت تحب شريفه كثير ودايما تنصحها وترشدها شريفه نقدر انقول انها ساذجه و مسكينه تدور على الحب وكل مره تفشل وتعقدت
مريم كان تفكيرها غير كانت تحس انها تبي شي مو طبيعي كانت تحس انها تدور شي ماينوجد بسهوله بس كانت دايما تفكر انها صغيره على الحب
ترن تررررررررررررررررررن ترن ترررررررررررررررررن
دانه : الووووووووووووووووو
ابو محمد: هلا حبيبتي دانه شلونك
دانه : بخير يبه .. الله يخليك تعال بسرعه ترى الجوع بيذبحني وتوني جايه من الجامعه والله يخليك وصي السواق يجيب لي ببسي ترى مافي خلص
ابو محمد : شوي شوي شفيك ببسي ومادري وش سالفه براحه شوي
دانه :ههههههههههههههههههه
ابومحمد : دانه قولي لأمك تجهز الغدا انا ربع ساعه وأكون عندكم وخلي عنك سوالفك ولسانك اللي ذابحنا
دانه : ابوووووي....
بومحمد : الله يخليك لي ان شاء الله حبيبتي يالله هذا انا جاي مع السلامه
دانه : الله يسلمك
· مريم توها وصلت من المدرسه
· مريم : السلام عليكم
· دانه : وعليكم السلام واااااو شوفو هذي شفيها وجهها احمر كذا ؟
· مريم : الدنيا حرررررررررررررررر
· دانه : ههههههههههه اي اي مو منك من الوقفه قدام المدرسه و العيون اللي تطالع الرايح والجاي
· مريم : دانه يعني ماتخليني في حالي
دانه : هههههه امزح معك يالله روحي بدلي ملابسك الوالد على وصول
· مريم تروح لامها وتبوسها
· ام محمد : هلا ببنيتي شلونك حبيبتي وشفيه وجهك احمر كذا
· مريم : من الشمس يمه
· ام محمد : حبيبتي يلا بدلي بسرعه وانزلي عشان الحين الخدامه تحط الغدا
· مريم وهي رايحه : انشاء الله يمه
تروح مريم غرفتها تفتح الباب تلقى الغرفه بااااارده و الستاير مقفله والغرفه مظلمه شوي وملابسها جاهزه على السرير.... دخلت الحمام عشان تاخذ دش بعد الشمس الي ذبحتها وطلعت من الحمام وقعدت قدام المرايه تمشط شعرها وتشوف الحمره الي في وجهها خفت ورجعت تورد
ترررررررررررن تررررررن يرن تلفون مريم
مريم : الو هلا شريفه
شريفه : هلا مريم اقوول
مريم : آمري
شريفه : وش رايك نروح اليوم نشوف المحلات يقولون في موديلات جديده والصراحه من زمان ماتسوقنا
مريم : اممممم اوكي بس اشاور امي وابوي واقولك
شريفه : اوووكي بس ترى ماعندنا سواق سافر امس
مريم : اوكي عادي باشوف سواقنا او دانه
شريفه : لالالالا دانه لا بعدين تنزل معنا وتطفشنا بحركاتها
مريم : هههههههههه اوكي باشوف محمد
شريفه : ها محمد !!
مريم : اي وشفيك هذا اذا تكرم ورضى بخليه يوصلنا السوق
شريفه : اوكي يصير خير يالله انا بروح اتغدا
مريم : اي انا بعد يالله بااي
شريفه : بايات الساعه 5 انتظرك
تقفل مريم التلفون وتنزل تحت وتشووف ابوها قاعد على الطاوله تركض مثل الطفله وتبوس ابووها
بومحمد : حبيبتي مريم شلونها اليوم
مريم : تمام تصدق إشتقتلك
دانه : الله على الحب الي نازل
ام محمد : دانه بلاك انتي منهده خلي بنتي في حالها
مريم : هههههههههههههه اقول محمد اخوي وينه
بو محمد : محمد راح دبي مع شباب يومين وبيرجع
دانه ومريم : اهاااا
الكل ياكل ودانه مو مشتهيه تاكل بدون ببسي وتتحلطم
مريم : امي ابوي ... شريفه تبيني اروح معها السوق اليوم نبي نشتري كم شغله اروح معها ؟
ام محمد : والله ماعندي مانع بس شوفي ابوك وش يقول
بو محمد : روحي وخلي السواق يوصلكم وتعالي عندي قبل ما تطلعين عشان اعطيك فلوس
مريم : مشكووور ابوي ماتقصر الله يخليك لي
بومحمد : يخليك لي يالغاليه يالقمر انتي ربي مايحرمني منك
دانه : وانا
بو محمد : انتي شيخة البنات بدونك البيت ظلمه اصلا ولا تزعلين انتي
ام محمد : اشوفك نسيتني
بومحمد : انتي الخير والبركه
قام الكل وكانت الساعه 3 العصر مريم في غرفتها ترتاح شوي ودانه تذاكر للاختبار
وصارت الساعه 4ونص ومريم واقفه محتاره وش تلبس واخر شي قررت تلبس تنورة سودة مع توب اسود وفيه وردي شوي وحطت مكياج وردي خفيف وكانت حاطه كحل غامق ولبست الطرحه وكانت صايره رووووووعه ونزلت الصاله امها قامت تتشهد عليها وتقرا المعوذتين عن الحسد
مريم انحرجت : شفييك يمه ههههههه
ام محمد : لا والله مريم تراك حلو وقمر اخاف عليك من الحسد والعين الناس ماترحم يا بنتي
مريم ابتسمت : تآمرين شي يمه
ام محمد : انتبهي لنفسك
مريم وهي طالعه : انشاء الله
وصلت مريم بيت شريفه واتصلت عليها
مريم : شريفه يالله انا تحت انتظرك
شريفه : اوكي انا نازله
نزلت شريفه وسلمت على مريم : الله وش هالجمال وهالكشخه
مريم : هههههه كذا تحرجيني
شريفه : الحق ينقال
الساعه 5 ونص كانو في السوق شريفه ومريم يراكضون من محل الي محل وبعد ساعتين خلصو وكانت الاكياس كثيره وثقيله
شريفه : مريم خلينا نروح <coffee shop> نشرب شي ونرتاح
مريم : اوكي يالله
دخلو <starbax> شافو بنات من صفهم سلموا عليهم وقعدو مريم تمللت وحست بضيق قال حق شريفه انها بتروح الحمام شوي تبي تعدل الميك اب شريفه كانت مشغوله تسولف وتضحك ما انتبهت لها مشت مريم وفي الطريق شافت محل جديد يبيع هدايا وتحف عجبتها ساعه كانت معروضه ووقفت تطالع الساعه قررت انها تدخل وتسئل عنها
مريم : لو سمحت ممكن اشوف ساعه <Dior> الي معروضه برا
البائع : تفضلي
مريم ما انتبهت ان في واحد واقف جمبها كانت مشغوله بالساعه تجربها على يدها وبعد فتره حست بأحد قاعد يطالعها وعين ماتنشال من عليها انحرجت وصارت وجهها أحمر بس بعده هالشخص واقف ويخزها من راسها إلي رجلها والتقت عينها في عينه حست بشعور عجيب لاشعوريا طلعت من المحل ونست الساعه على يدها من الخوف قربت من <coffee shop> وشوي وبتصيح يوم شافت الساعه على يدها وبسررعه رجعت المحل وشافت البايع وعطته الساعه بس البايع ابتسم وقال : المستر الي كان هنا دفع سعر الساعه وعطاني هالورقه عشان اعطيك اياها
مريم ماحست بنفسها وخذت الورقه وسئلت عن سعر الساعه وطلعت من المحل وهي منحرجه ومعصبه في نفس الوقت قالت من هذا وشلون يسوي كذا لا لا مايصير كذا وش اسوي انا الحين انا اصلا ما اعرفه عشان ارجع له الساعه وين القاه وفجأه تذكرت الورقه فتحتها وشافت مكتوب فيها اقبلي مني هالهديه وبليز لا تحاولين ترجعينها وكان كاتب اسمه ورقمه اسمه سلمان مريم عصبت اكثر وقالت وش مفكرني انا منهم يرقمني ويمشي لا والله ما ارضاها على نفسي انا لازم ارجع هالساعه وبسرعه راحت عند شريفه وسحبتها واستأذنت من البنات شريفه مستغربه
شريفه : شفيك انتي
مريم : شريفه الحقي علي
وقالت لها السالفه
شريفه : ول ول والله فشيله وش ناويه تسويين
مريم : مادري والله
شريفه : لاتفكرين انك تتصلين بلييز سمعي مني
مريم وهي معصبه : شريفه وش هالخرابيط وش اتصل وما ادري وشو
شريفه : لا مو قصدي بس احذرك يعني
مريم : احسب بعد! وتبتسم
ومره وحده تنقز مريم شريفه هذا هو شووووفيه هذا الي لابس ثوب ابيض شوفيه
شريفه : والله قمر وطاح على قمر مريم يجنن والله حلووووو وااااو
مريم تطالعها بنص عين : شريفه شوووفي شلون يطالع شفيييه هذا
شريفه : ما ادري بس مو راضي يشيل عينه
مريم : خلنا نمشي بسرعه
شريفه : يالله
مريم وشريفه ركبو السياره بس مالاحظو ان سلمان وراهم بالسياره وصلوا بيت مريم وراحت مريم غرفتها ومعها شريفه يجربون الملابس والاشياء الي شروها ونست سالفه سلمان لكن حطت الساعه في كيس ودسته لانها ما كانت ناويه تحتفظ فيها
وفي الليل كانت مريم سهرانه بكره إجازه وملل قامت فتحت البلكونه ووقفت برا والجو كان هادي وحلو وقفت وهي فاله شعرها ولابسه بجامه حريريه لونها اسود كانت طالعه فيها قمر والهوا يلعب بشعرها وهي مبسوطه وفجأه تغير لونها وحست بحراره في جسمها يالله وش يسوي سلمان هنا وقدام غرفتي ياربي وش هالمصيبه.[/align]
[align=center]ترقبوا الجزء الثاني من القصة
#ملاحظة : القصة كانت باللهجة البحرينية وتم تعديلها فإذا كانت هناك اي أخطاء فأرجوا تنبيهي لها واتقبل اقتراحاتكم بأي شكل كانت على الرسائل الخاصة.
دمتم بود : الدلع شرقاوي[/align]
هذه الرسالة تفيد بأنك غير مشترك. للاشتراك الرجاء اضغط هنــا
قصة مريم عيون سلمان
العرض العادي
