--------------------------------------------------------------------------------
قلت : الوداع وجاوبت دمعة العـــــيـن
تجرح بساتين الخـــــــدود النديـــــــــة
وغضت وشفت بعينها الحزن حزنــين
وصاحت على الفرقا انا مو قويـــــــــة
وجاوبتها : ارجوك تكفين تكفـــــــــــين
والله دمعك يشعل النار فيـــــــــــــــــــه
وقالت تعاهدني عهاد المحبيــــــــــــــن
الله ما يترك اللي يخون خويــــــــــــــــه
قلت : ابشري واللي خلق لا تظنيـــــــن
حرام ما غيرك عشقت آدميـــــــــــــــه
وقصت شعرها قلت انا وش تسوييــــن؟
قالت : ابي من غرتي لك هديـــــــــــــة
ونادتني الغربه على الهم والبيـــــــــــن
احسب الايام روحه وجيــــــــــــــــــــــه
وفي كل ليله ترتسم ما بين رمشيــــــــن
خيالها ما بين الرموش الشقيــــــــــــــــه
غربة سنه في ذمتي غربة سنــــــــــــين
متى على الله يلتقي الحي حيــــــــــــــه
خلاص هانت ما بقى غير يوميـــــــــن
خلاص قفت غربة جرهديـــــــــــــــــة
ورجعت شوقي في خفوقي براكـــــــــين
ورجعت انا كلي لها جاذبيــــــــــــــــــــه
وسألت ما ردوا ! وأنا اصيح هي وين ؟؟
وكلن نثر من داخل العين مــــــــــــــــيه
وفي معمعة حزني تلقيت رمحــــــــــــين
قالوا: توفـــت غافلتها المنيــــــــــــــــه
وفي غرغرتها ما ذكرت غير حرفيــن
قالت أسمك شفاه البنيــــــــــــــــــــــــه
وتزاحمت في داخلي الف سكيـــــــــــن
والحزن يطويني ثمانين طيــــــــــــــــه
صدمه وجابتني على الارض نصفيـــن
وشلون راحت دون ذنب وخطـــــــــيه
تكفون دلوني على القبر هالحيـــــــــــن
ما عاد فيني للصبر مقدريــــــــــــــــــه
ووقفت اطالع قبرها بين نصبـــــــــــين
وجلست اضم اغلى النصايب عليـــــــه
واصيح وش بك يا غلاي ما ترديـــــــن؟
اشتقت همس شفاهك النرجسيــــــــــــه
وش فيك جيت من السفر ما تهلــــــين ؟؟
ما هيب لك عاده ولا انتي رديــــــــــــه
وحاولت في لحظه اجرح الديــــــــــــن
وازيح تربة قبرها في يديــــــــــــــــــه
وبالغصب شالوني حشى تقل مسكيــــن
واصرخ بهم والله .. والله حيــــــــــــــه
وقفت وتاهت بي جميع العناويـــــــــــن
والحزن يلعب داخلي سامريــــــــــــــه
ورجعت لدروب الشقى قبل عاميــــــــن
مدري من اللي صار فينا ضحــــــــــــيه
هذه الرسالة تفيد بأنك غير مشترك. للاشتراك الرجاء اضغط هنــا
العرض العادي
صاحت انا على الفرقا مو قويه
