السلام عليكم ورحمة الله وبركاته

هناك الكثير من الذئاب البشريه الذين يودون استغلالك اما عن طريق المال او العواطف فكوني اخيه كالجبل الشامخ لا يحركه ريح

كيف يقوم الشاب باصطياد فريسته انا راح الخص صوره من هالصوره بقصه وهميه حتى يتسنى لك اخيه ان تتعرفي على اساليب الذئاب البشريه وتحذري منها

نوره هي بطلة القصه لا حظي اخيه بدايتها والنهايه ..............


في يوم من الايام نوره بنت العائله المحافظه حبييت ابوبها وبهجة المنزل احضر لها والدها جوال كانت جدا مبسوطه فيه ومستانسه ( ولو عرفت شنو بيصر كان رفضت وجوده)

نوره بدات تسجل الارقام اللي تهمها وكلمت صاحبتها وخبرتها قد ايش هي مستانسه فيه

مع مرور الايام بدا يتصل على نوره رقم غريب ماتعرفه ترددت واجد فبل لا ترد عليه وتركته فتره بدون ما ترد لكن صاحب الرقم ماترك نوره بدا يتصل عليها ويرسل رسايل اشغل فكر نوره هالرقم خبرت صاحبتها لانها كانت خايفه لا تخبر ابوها او اخوها
(0مع انها لو اخبرت احد بالموضوع كان ارتاحت من هالسالفه )

المهم قالت صاحبتها طيب ليه ماتردي عليه يمكن احد يعرفك قالت لا اخاف
قالت بس ردي واسمعي الصوت واذا رجال سكري الخط بوجهه رفضت نوره الفكره

لكن الشيطان بدا يوسوس لنوره قلبت الموضوع براسها فدق الرقم من جديد ردت نوره

وسكتت وتسمع صوت جميل اعجبها :::: الو الو الو ممكن ترد
بدون ماتدري ردت::::
نعم من معاي

الحين بدا شغل الذئب قام الولد يمدح بصوت نوره ويتغزل فيه

خافت نوره وسكرت الخط

بس اهو استمر يدق عليها ويرسل
مع الايام انشغل فكر نوره بهالةلد وكانت مستنيه انه يدق حتى ترد وتسكت وتسمع له

مع استمرار هالوضع وهالولد يدق ويتكلم عن نفسه ويترجا نوره انها تتكلم

بالبدايه قال مابي منك شيئ بس اسمع صوتك
بعد فتره قال مابي منك شيئ بس اسمك الاسم مايودي ولا يجيب
بعد فتره قال مابي منك شيئ بس ابي اعرف انتي من اي منطقه وانا بعيد عنك لا تخافي مقدر اجيك بنفس منطقتك
بعد فتره طلب من نوره انها تكلمه عن نفسها ولو بشئ بسيط حتى لما يتذكرها يكون في شيئ يتذكرها فيه

عقب ما نوره كلمته عن نفسها قال انا حبيتك انتي عمري انا مقدر اعيش بدونك ياليت اقدر اتزوجك نوره صدقتك هالحكي وطارت من الفرح وبدات تفكر فكلامه حتي وقعت بحبه
وصار اهو كل همها اهملت دراستها من كثر التفكير فيه

بعد فتره صارحته بحبها وانها اهي بعد ماتقدر تفارقه وتبعد عنه اكثر

اهو استانس خطته انجحت ووقع البنت ففخه

بعد فتره طلب منها صوره عارضت بداية الامر وزعل منها قال ليه ماتثقي مافي ثقه ؟؟؟
قالت لا بس صعب ارسل لك صورتي
قال اذا ماترسلي الصوره انسي انك كلمتيني اوتعرفتي علي وسكر الخط

صارت اهي تتدق عليه ولا يرد ويسكر الخط بوجهها اويقفل الموبايل او اذا رد قام يسبها ويشتم
واهي ترضى لانه تحبه بزعمها ما تدري ان حبها وهم

فالاخر استسلمت لاشواقها ووافقت انها تعطيه الصوره

بعد فتره قال ابي اشوفك
قالت مو كافي عطيتك صورتي ليه تبي تشوفني
قال عالطبيعه احلى من الصوره
رفضتت وتتكررت نفس القصه السابقه تحملت اهانته لها بزعم الحب
خرجت معاه قالت هذي اول واخر مره اطلع فيها معاك وافق واوهما انه ندمان بس من حرة الشوق قال لازم اشوفك بس اوعدك تكون اخر مره وكانت الخرجه الاولى برئيه على زعمهم

بعد فتره طلب منها الخروج مره اخرى رفضت وبشده ههدها بتركها وبصورتها وبمكالماتها

خافت الفضيحه فخرجت وحدث مالم تتوقعه وعدها بالزواج حتى تكفف دموعها

بعد فتره هجرها لما تتصل مايرد ويقفل جواله ولا عرفت اشلون توصل له بعد محاولات وجدته لكن بعد ماذا؟؟؟
طلبت منه الزواج قال لها


انا لا اتزوج فاجره انتي ماتصلحي تكوني ام لاولادي انا لا اثق فيك لان اللي كلمني يكلم غيري
واللي يخرج معي يخرج مع غيري
ولم يكتفي بذالك بل فضحها ونشر صورها بالانترنت وبكل مكان

ولدها لم يتحمل الفضيحه فمات من صدمته بابنته وامها قتلت نفسها حتى تهرب من المجتمع واخوها اخذته الغيره فقتلها

خسرت كل شيئ دينها
دراستها
واهلها
وكرامتها
واخيرا خسرت حياتها

من اجل ماذا لهو ساعات غزل قبيح من اجل لحظه شيطانيه ونصيحه غبيه من صديقتها

ربما تكون وهميه هذه القصه ولكن هناك الكثير مما نسمع ابشع من هذه القصه
اخيه كوني ثمينه ولا ترخصي نغسك من اجل لهو ساعات انتي غااليه فلا تجعلي من كان يلعب بك انتي جوهرة مصونه فلا يسرقك لص يبيعك بابخس الاثمان
اصرخي بوجههم قولي لهم
انــــــــــا بنت الاسلام ..... . انــــــــاا بنت العفاف .....انــــــــــا بنت ابوي

تقبلوا تحيتي بنت العفاف : بسوووووومه

اعذروني عالقصه اللب الفتها لكنها تحكي واقع الكثيرين حتى وان كانت وهميه

بجد رووووووووووعه سلمت أناملك ياأختى بسووومه



الله يجزاك ألف خيـــر يارب قصه بصراااحه أثرت فى


الله لايحرمنا منك

والله يستر علينا دنيا وأخرة ويهدينا جميعا

تقبلى مرورى

دمت بخيــــــــــــر

تشكرااااااااااااااتي اميره ربي يخليك

يسلمـــوو 00 بسومه00
والله يجزاك كل خير
جد قصه مؤثره
تبين عاقبة كل من يسلك هذا الطريق

تقبلي مروري

وحـدانيـه واتحــدى

ربي يخليك يالغلا