نعاهدالرحمن على دخول الجنة والنجاة من النار

جميلة · 09-11-2007, 01:10 AM

بسم اللة الرحمن الرحيم الحمد للة رب العالمين
يا رب لك الحمد كما ينبغى لجلال وجهك وعظيم سلطان

يا رب لك الحمد حتى ترضى

ولك الحمد إذا رضيت

ولك الحمد ابداً ابداً

بالله عليكم ؟؟ مش نعمه كبيرة جدا جدا اللي احنا فيه كلنا ؟؟

ربنا جعلنا مسلمين ... وناس تانية كتييييير كافرين .. وبه مشركين .. وسيدنا محمد "صلى الله عليه وسلم" غير مصدقين ولا مؤمنين

إشمعنا ربنا اختارك انت مسلم وانتي مسلمة دونا عن الاخرين ؟؟

إشمعنا انت مسلم وانتي مسلمه وجارك اللي جمبك على طول نصراني ولا اي دين اخر ؟؟

مش كان ممكن يحصل العكس ؟؟ تكون انت وانتي والعياذ بالله مش مسلمين ؟؟ وبعد فوات الاوان في قبرك تعرف انك كنت عايش في ضلال ؟؟ وعايش في أمل ضايع ؟؟ وانك حتفضل تعذب طول الوقت بعذاب محدش يقدر يتحمله ؟؟

الحمد لله بجد على نعمة الاسلام .. الحمد لله ان احنا من اتباع سيدنا محمد "صلى الله عليه وسلم"

نعمة ربنا عليك يا مسلم وعليكي يا مسلمه لا يمكن انها تتعد ابدا .. دا نعمة واحده من نعم ربنا حتلاقي جواها نعم تانية كتييير .. ولو حبيت تبص على نعمه جوا نعمه .. حتلاقي نعم تانية جواها !!!

ومن ضمن نعم ربنا العظيمة علينا .... من النعم اللي بجد لو إن المسلم حس بقيمتها .. لا يمكن انه يترك منها شئ وعض عليها بسنانه ومسك فيها بايده .. ولو حيموت علشان النعمه دي ... حيعملها بلا تردد !!

الا وهي نعمة شهر رمضان الكريم ... شهر الخير وبركات ... شهر الجنه والحسنات .. شهر التضرع والعبادات .. شهر الخشوع والعبرات ... شهر العمل والطاعات

هو شهر ... ولكن بالسنه كلها ... 30 يوم اغلى من باقي ال330 يوم كلهم .. خاصة ان فيها اعظم ليلة فيكي يا أيام ربنا

ليلة وصفها الله عز وجل بانها "خير من الف شهر" في سورة القدر

محدش فكر في الايه دي قبل كدا ؟؟

المعادلة بسيطة جداً

ليلة القدر = 1000 شهر !!

يعني لو عبدت ربنا 1000 شهر بحالهم ... حسناتهم كلهم باذن الله تساوي حسنات ليلة واحده فقط من العباده ... الليلة دي موجوده في شهر رمضان .. وبالتحديد في العشر الاواخر

الا يستحق هذا الشهر ان احنا نبذل كل اللي وسعنا ان احنا نعبد الله فيه "حق عبادته" ؟؟

الا يستحق هذا الشهر ... ان احنا نتفرغ فيه الى للعبادة والذكر والتقرب الى الله ؟؟
الا يستحق هذا الشهر .. ان احنا نهتم بعلو الهمه وزيادة الايمان في قلوبنا ؟؟

الا يستحق هذا الشهر .. ان نتقي الله عز وجل ؟؟

الا يستحق الشهر دا ... ان احنا نقاطع التلفزيون نهاااائيا .. لا تقولي بكار ولا الكاميرا الخفية ولا حتى زكية زكريا ولا مسلسل ليالي الحلمية ؟؟

الا يستحق هذا الشهر .. ان احنا نهمل دنيتنا من اجل اخرتنا ؟؟

دا شهر واحد بس ... 30 يوم من ضمنهم اعظم ليلة في الوجود ... الفائز فيه فائز بحق .. والخاسر فيه .. خسران بجد

اللي احب اتكلم معاكو فيه ... إن لو احنا فعلا حسينا بعظمة هذا الشهر .. حنعبد ربنا حق عبادته ومش حنضيع ولا لحظة فيه الا لما تكون اللحظة دي في طاعة الله عز وجل .. من اجل الفوز الكبير بخيرات هذا الشهر العظيم

وقبل ما ابدأ .. احب اقولكم اني موجه الكلام دا لنفسي قبل ان اوجهه لكم .. لانني مقصر في حق الله ... وشهر رمضان فرصه لنا كلنا ان احنا نقول لربنا "قصرنا في حقك كتير ... وحان وقت "التعويض"

واحب اقول بردو اني باذن الله لو ذكرت حديث شريف ... حجيب مين اللي رواه او اخرجه علشان كلامنا يبقى على بينه وعلى حق

واي كلام صح في هذا التوبيك فهو من عند الله ... واي كلام خطأ فهو من نفسي ... واطلب من الله انه يسامحني على اي خطأ في هذا التوبيك

ربنا يلهمنا الصواب ... ويرزقنا من لدنه سلطانا نصيرا

--------------------

قُلْ يَا أَيُّهَا النَّاسُ إِن كُنتُمْ فِي شَكٍّ مِّن دِينِي فَلاَ أَعْبُدُ الَّذِينَ تَعْبُدُونَ مِن دُونِ اللّهِ وَلَكِنْ أَعْبُدُ اللّهَ الَّذِي يَتَوَفَّاكُمْ وَأُمِرْتُ أَنْ أَكُونَ مِنَ الْمُؤْمِنِينَ (104) وَأَنْ أَقِمْ وَجْهَكَ لِلدِّينِ حَنِيفًا وَلاَ تَكُونَنَّ مِنَ الْمُشْرِكِينَ (105)وَلاَ تَدْعُ مِن دُونِ اللّهِ مَا لاَ يَنفَعُكَ وَلاَ يَضُرُّكَ فَإِن فَعَلْتَ فَإِنَّكَ إِذًا مِّنَ الظَّالِمِينَ (106) وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يُرِدْكَ بِخَيْرٍ فَلاَ رَآدَّ لِفَضْلِهِ يُصَيبُ بِهِ مَن يَشَاء مِنْ عِبَادِهِ وَهُوَ الْغَفُورُ الرَّحِيمُ (

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)