حبيت انزل لكم كم قصيده لشاعر يوسف العنزي


اخليكم مع القصيده

:::بيــــــــــــــــــالتي::::

بيالتي تشره علي واصبها

وازيد سكرها ايلين يذوبها

وتروح تزعلني واروح اكبها

اكبها وابقى بداخل كوبها

لني على كلن انا متعب بها

واحدد افكاري على منسوبها

وعروق قلبي لو بغيت اشبها

شبت لي الدنيا عروق قلوبها

وان قالت الدنيا ترا تذنب بها

قلت الذنوب ورفقتي ماتوبها

دامي رجل والمعضلات انبها

امشي على فالي ورجلي صوبها

الدعوة اني عالقن في دربها

واحس كني واقفن في دوبها

اضيع وابلش واتخبط قربها

وتشوفني اسكر على مشروبها

مشروبها سكر خلط بعنبها

اذوب في شربه ايلين اذوبها

دلوعتي عين المها يالبها

قامت تهادى دوبها يادوبها

قمة حسن ام الجمال الاوبه

هبها يازولها هبها

البارح دقت علي وربها

انه عجبني ضحكها واسلوبها

تبكي جروحن جاهلة في طبها

وتبكي حبيبن مايعرف دروبها

قالت يايوسف خذ روحي خبها

واحذر هبوبي لا بدا هبوبها

يا مهرتك عسافها يتعب بها

لن الاصيلة يتعبك مطلوبها

وانا اتسمع حكيها وانبها

بين الضلوع الذايبة في كوبها

سلبت مهجتها ويازينه سلبها

ياكيف بسلبها وانا مسلوبها

من يومها عشت الهنا في قربها

طوبى لقلبي ما جناه وطوبها

احبها ماحبها احبها ..

خايف مابين احبها واتوبها

ان قلت ايه قلبي غدا مذنب بها

وان قلت لا قلبي غدا كذوبهاوسلامتكمـ...

مغرووووور
مغرور ان اعجبه شئ حبه =وان ما اعجبه شئ كره

خلوه عادي دام قلبي شاقي في راحته=مادام موعدنا على شط البحر بكره

والله لا اوقف ساعة الموعد لجل سماحته =يطيح من عيني وتبقاه العقول تفكره

وغيب عن دوره الى ان تستثيره ساحته =ويعود كنه ماحسب حلو الليالي اتذكره

ولاحزن ان النفوس الغائبة اباحته =طاهر ومن صفوه لخله جو ريح عكره

ناصح لسانه بالحكي ويمل من نصاحته =بشاشته لامن ضحك يقطع مزاج معكره

ترسم خدوده لا ابتسم بحسنه على مزاحته= ولوه تهادى كل مزيون في دربه جكره

ولوه تفيصح ينخرص كل على فصاحته=واليا اجتمع معسول ريقه مع قوالب سكره

تبدأ قصص لذة مذاق ضاحكة في باحته=التايه اللي فكرته تزعج عقل مفكره

لانها تفوق فالذكاء على مدى رجاحته =مايتعب افكاري ويدوشها سوى تنكره

ومايكدر اجوائي ويعكرها سوى مداحته=اتاح لي الفرصة وانا من هالناحية متشكره

يجوز ابطى بس ببقى شاكر اتاحته =والله مادام الموعد اللي شط البحر بكره

اني لا اوقف ساعة الموعد لاجل سماحته

وسلامتكمـ...

رااااااااااااااااااااااااااااائعه القصيده



مشكوووووووووووووره

وهذي القصيده رثاء في خوانه رحمهم الله

اذا البكى ...

كفكف دموعه واشكتى

ليه الخناجر تجرح كفوفي واصيح

وليه الحزن يفرق صفوفي واطيح

وليه الحياة مستكثره لحظه فرح

اللي ضحك ماهو مثل اللي انجرح

والجرح ماهو اي جرح

الجرح لحظات الفراق

اعظم من الجرح الفراق

واعظم من الفرقا غدر

واعظم من الغدر اشتياق

واعظمها طعنات الصدر

انا .. مامعنى انا

اقل مافيني عنا

واجل مافيني طموح

اعد لحظات الهنا

واضيع في عد الجروح

تارك مآلي للصدف

ضايع ولاعندي هدف

المعنى اني دايما عندي ميول

اوصل الصوره كذا حسب الاصول

وعندي قصيده لي تقول :

لو كان بيدي كان ياقلبي محيت=كل المآسي المؤلمه في عينهم

لو كان بيدي كان ياقلبي شكيت=لكني اصبر في مرور سنينهم

ربوني الشيبان في عزي ربيت= ياربي الرحمن لاتهينهم

ربوني الشيبان حتى استويت =اعين فالدنيا واعين فدينهم

يبا ياعونك يابعد راسي فديت =تراب رجلك في ثرى قبرينهم

يما تعالي يابعد راسي فديت = تراب رجلس في ثرى قبرينهم

والله يمه غصب عني قلبي لهيت= لما لقيت ب ذا الورق تلوينهم

والله يمه غصب روحي سهيت= لما تحسست بدفا خدينهم

والله يمه غصب عن عيني بكيت= لما تسألت المرايه وينهم

الحين في ايدي ولا كني صحيت =احس بكفوفي دفى يدينهم

للحين يذكرني الامل لا من سريت =صورة حنان الكون في عينينهم

غسلتهم بيدي حزن حتى انتهيت=دخلتهم بيدي وسط كفنينهم

رحت شايلهم ويوم اني مشيت = اتثاقل الخطوه ضلوعي وينهم

لما قريت الفاتحه حتى قريت =نزلتهم بيدي على قبرينهم

راحوا ولكني يايمه مانسيت .=كل التفاصيل الجميله بينهم

ماكنت اتخيل ولا حتى قويت= افقد حديهم لا ولا اثنينهم

فجأه وانا اتكلم عن البعد المميت =لقيتي فقدتهم اثنينهم

وسلامتكمـ...

صح لسان الشاعر


وسلمت اناملك

في قمه الروعه


تحياااااااااااااااااااااااااتي

وسيع حياااااااااااااك الله

الزيــــــــــــــــــن كله

هلا والله

منووووووووور صفحتي