الـتـسـلـيـة والـونــاسـةما احوجنا في هذه الحياة الصعبة للابتسامة البريئة وقد ثبت ان للضحك تأثير ايجابي كبير في الصحة النفسية .. تستطيع هنا المشاركة و الاستمتاع بذلك ونقدر التزامك بالضوابط الشرعية والاخلاقية
هلا والله بالجدد وماننسى بعد الإعضاء القديمين والقديمين شوي
بالنسبة للأعضــــاء اللي توهم مسجلين :
طبعا اغلبكم يحس كأنه داخل مدرسه جديده او متعين بوظيفه جديده ولايعرف احد من اللي معه <<<< الله من زين التشبيه بعد
طبعا هالشعور طبيعي ولا تحسب انك معقد او فيك بلا الله لايقوله وتأكد انك هنا بين اخوانك وأخواتك وكلها فتره بسيطه ونقول راح الخبل وجاء الخبل من زود الميانه اللي بيــنــنا
لكن قبل ماتبدأ ياليت تنتبه للنــقاط التاليه وتخليها قدام عيونك هاللي كأنها ازارير بالطوا اللهم لك الحمد << وتبيهم يقرون بعد --- احرص في البدايه انك تقرأ جميع المواضيع الموجوده عشان تعرف وش نوعية الكتابه بالمنتدى .. يعني ماتدخل لمنتدى العامه وتكتب موضوع مقلع والا تتكلم عن برنامج فايروسات جديد ( وجه كاتم الضحكه ) يعني بالعربي كل منتدى وله اسلوبه ولا ابيك تجي وتـفل الدعوه بأي موضوع
--- في البدايه احرص على انك ترد على المواضيع المطروحه بحيث تبدأ تنعرف واحرص انك ماتجرح احد بردك وتسوي فيها انك مقلع وقوي لأن الاقلاع مهوب كذا الله يصلحكم يعني انــتــقد لكن بدون تجريح وبإختصار عامل الناس مثل ماتبي انهم يعاملونك
--- ابــعد عن المواضيع المــنقوله لأنه مثل ماانت عارف كل واحد هنا عنده ايــميل وحقين القروبات مايقصرون كل يوم دازين لك الف مسج وأكيد ان هالموضوع اللي بتنقله الأعضاء شايفينه فماله داعي تحرج نفسك وتحرج اخواننا المواطنيين والمقيمين
--- إذا جيت تكتب موضوع لاتقول اخاف يطلع مــاصل ويجيني تهزيء من الإعضاء وتهون ماتنزله .. انتبه من هالنقطه واعطيك اكبر مثال :
انت الحين اذا سجلت صوتك وسمعته بالله ماتحوم تسبدك وانت تسمعه وتقول وش هالصوت اللي يجيب الحموضه
ومع ذلك تلقى فيه ناس خاقه ومعجبه بصوتك الخايس
يعني الشي اللي تكتبه انت لو انه وشو صدقني ماراح يعجبك ابد لكن فيه ناس راح تتشقق من الضحك والوناسه وهي تقرأ موضوع هاللي تقول انه ماله داعي فرجــاءا لاتحرم يتيم من ابتسامه بريئه ( وجه ينرحم ) لكن لاتسدح لي كل يوم موضوعين والا ثلاثه بنفس المنتدى .. صدقني ترا كذا الأعضاء بيملون منك وبيجي وقت تنزل موضوع ولاراح يرد عليه احد وأن ردوا تلقى اكثرهم يقول محجوز ولي باك وهذا وجهي ان شفته راجع لك مره ثانيه
يعني خل مواضيعك تنزل على فترات متباعده شوي عشان الأعضاء يشتاقون يقرون لك ويفصفصون موضوعك فصفصه ويردون رد يوسع الصدر عشان تدخل تقرأ الردود وانت فاقن خشتك من الوناسه
--- اذا شفت موضوع وعزمت ترد عليه انتبه تكتب محجوز ولي رجعه بعدين .... ابيك متى ماقريت وقررت ترد تضغط على اضافه مشاركه وتكتب ردك لأن نظام محجوز ولي رجعه انا اعتبره لتكثير عدد المشاركات أو للتسكيت بس والا وش انت طاير عليه .. الموضوع وموجود وماراح يطير متى مافضيت تعال ورد عليه
--- لو نزلت موضوع وراح للمـــاصله لايضيق صدرك وتــتــحطم لأن الماصله مهيب ذاك الشي اللي يحطم وكتاب كبار راحت مواضيع لهم للماصله ولا ضرهم هالشي بالعكس كانت حافز لهم انهم يحرصون على المواضيع اللي ينزلونها وانها تكون على المستوى اللي يرضيك انت أول ويرضي الاعضاء وخصوصا بعد اننا تونا مسرمكين الماصله وصابغينها بوية معتقه ومجددين الأثاث
--- اذا نزلت موضوع وتفاجأت ان عدد اللي ردوا عليك شويـيـن لاتقول اكيد ان موضوعي ماصل ولا اعجبهم وتحطم نفسك بنفسك الله يفتح على قلبك ( وجه حنون )
ترا فيه اعضاء مايردون على الموضوع الا بعد فتره وفيه البعض يتأخر بالرد لأنه يبي يرد رد يليق بالموضوع ولا يبي يسوي شغل هههههههههه الله يرجك موضوع مهوب صاحي وهو تلقاه ماقرا الموضوع
وراح تلاحظ هالشي مستقبلا يعني بتنزل موضوع ويمكن تلقاه من اول يوم جايته ردود كثير ويمكن يجلس يومين او ثلاثه مارد عليك الا ثمانيه او عشره وبتشوف بعدها بكم يوم ان اللي ردوا يمكن يوصلون للميه يعني لاتستعجل على كثرة الردود وخل عندك ثقه بموضوعك وبالاعضاء
--- أحرص أنك تكون متعاون مع الاعضاء وخلك حبيب عشان العالم تحبك <<< نصيحة عجوز
بالنسبة للأعضاء القديمين والقديمين شوي :
طبعا معروف ان انتم الحين تعتبرون قدوة .. وصعبة تشوف القدوة هو اللي مخربها بمواضيعه والا يقلب الموضوع تشات وسوالف وطق حنك ( وجه يناظر عمر وعضو متلطم )
الردود من طقة هههههههههههههههههههه الله يرجك ومحجوز هذي تقتل الاقلام الشابة وتصيبهم بالاحباط يعني ياليت تكون ردودكم تنم على انكم قريتوا الموضوع ومايمنع يكون فيه بعض التوجيهات في الرد
قرار وزاري مهم
