[align=center]الاصغاء
اهم شي انك تسمعها وتنتبه للكلام الي تقوله لانها تحب تقول التفاصيل حياتها ومو بس التفاصيل حتى ردات فعلها ويمكن ردات فعل جيرانهم بعد واصغاءك لها يحسسها انك مهتم ويقربك لها اكثر وبكذا راح تكسبها وتحس انها ممتنه لك
يعني وش بتخسر لو سمعتها وعبرتها بكلمتين حلوين

الـتأييد
من الاشياء المهمه بعد تحب ان الرجل يحسسها انه معاها دايما بالحلوه والمره وخصوصا المره يساندها ويحميها من اي شي لان المراه بطبعها ضعيفه وهذي المسانده تعطيها قوه وصلابه في مواجهة اي شي
فنصيحتي اي شي مو حرام تقوله لك امك اختك بنتك زوجتك قولها صح ونحن من ورائك ولا تكسر مجاديفها ترى هي تحتاجك

الاعجاب
وحط تحتها خطين ايها الرجل هههههههه يعني المرأه تموت على التمدح يعني كل شوي قولها انتي حلوه>>مصختيها ,بمعنى اصح اهي تحب ان زوجها يبين اعجابه فيها بكل شي بتفكيرها وبستايلها باللبس بتسريحتها عطرها شخصيتها خفة دمها>>واذا كانت ثقيلة دم وش يسوي بعمره الرجال>>عادي شي يرقع على شي يعني عبر عن اعجابك بكل شي فيها لانها تقدر هالشي كثير لو يكون كلمة اعجاب وحده
منت خسران لو عطيتها كلمتين حلوين على الطاير لو كتبت لها كلمه بورقه صغيره (كنتي حلوه اليوم)او احبج بهاالتسريحه يااخي يازين رفع المعنويات

الاهتمام
يمكن يكون الاهتمام اهو اهم شي ممكن يسعد الي قدامك سواء كان مرأه او رجل وخصوصا المرأه حاول انك تهتم فيها كثير وتبين لها انها هي اهم شي بهاالدنيا وانك ماتستانس بأي شي الا معها يعني اهتم فيها هي بالذات واهتم باالاشياء الي هي تحبها وتهتم فيها حاول تشاركها فيها بكذا راح تلاقون اشياء مشتركه تقربكم من بعض وهذا الشي راح يعطيها الثقه بالنفس وراح يرجع عليك انت بالتالي
ترى المشاركه احلى شي بالحياه>>كل مشروك مبروك>>اصلا المثل ماله شغل بالموضوع بس حبيت احطه

ادفع بها الى الامام
مو تدفها وتطيحها>>شرح مطول لاخواننا العرابجه
شجعها وساعدها انها تطور من نفسها انها تحقق احلامها بين لها انك متعاطف معاها وانك محتويها من كل النواحي وعلى كل المستويات سواء كان على المستوى العاطفي والعقلي والثقافي
ترى المرأه مهما كانت قويه >>موعضلات طق ومطاقق, لأمهما كانت شخصيتها قويه تحب تحس بقوة الرجال عشان هو الي يسندها ويحميها ويحتويها

هذي النصائح بشكل عام موجهه للرجل عشان يعرف شي بسيط عن كيفية التعامل مع المرأه اي انثى بحياته سواء كانت امه بنته اخته زوجته لانهم كلهم بالنهايه انثى تحتاج هذا النوع من التعامل بنفس الوقت اكيد ان الرجل يحتاج هذي الاشياء بعد بالنهايه اقول للحريم والرجاجيل>>قلبت مره وحده
فاقد الشئ لا يعطيه

اتمنى ان الموضوع يعجبكم واي شي تحبون تضيفونه من اسلوب تعامل حلو تحبونه اضيفوه خلنا نستفيد كلنا[/align]

ههههههههههههههههههههههههههههههههههه


دررر دررر ياشقحا والله كلامج كله دررر

واكثر شي يكسب انثاه فيه هو



لما يكثر من قولة انتي حلووووووه خخخخخخخخخ


ياهي ترفع المعنويات ياهي تخلي الواحد يطييييييييييييييييييير فوق بالسما العالي


واهم شي الاهتمام ركزو على الاهتمام لانه من جد بتحسسها انها معك وين ماتروح في بالك صبح ومسى على طوووول- ماتنقشع عن سمائك- على قولة بعض الناس وبكذا بتشوفها ملكك ال اسيرتك

وبس


طانكيييييييووووووووووو شقوحه

مشكووووووووووره خيتووووووووووووو
بس اللي قلتيه اذا ماكان في طبيعة الشخص مايكون كويس
بالاصح مايقدرعلى هذا كله وراح يبين عليه

مشكووووره

ويعطيك ألف عافيه

سلمت اناملك

في قمه الروعه

الغزاله العارضيه
اهم شي يقولها انتي حلووووووه اكيد هههههههههه
العفو ومشكوره على مرورج

جريح الغربه
مو معقوله انه مايكون يقدر يسوي اي شي من هاالاشياء؟؟
وحنا حطيناها للناس الي ماتعرف عشان تتعلم
والي مايعرف يكفي انه حاول وهذا دليل على اهتمامه
بس اذا ماحاول هو بنفسه ماراح يحصل على شي لانه مثل ماقلت فاقد الشي لا يعطيه

احب حلا
هلا والله اخوي مشكور على مرورك ويعطيك العافيه

يعطيك العافيه زوجتي خخخخخ

وتظلي نص الحياة

شسالفتك انت والمزيون شنو زوجتك مافهمت ترى!

عموما شكرا على مرورك