[align=center]
لا يروح تفكيركم بعيد مو رسايل sms
ولا mms
ولارسالة شغالتكم بعد
اهي رساله لكذا شخص يمكن يكون اي واحد منكم ويمكن لشخص تعرفونه بعد القراءه راح تكتشفون
واحد فقير
ياحظك تدخل الجنه قبل الكل
يالله صبر جميل على هالدنيا
تراك مفتك من عوار الراس ومن حراسة هالدراهم وجمعها
واحد فقد بصره
عطاك ربي نور اقوى من نور البصر وهو نور البصيره الي بقلبك
وسلمك ربك من شوفة المنكرات الي كثرت هاليومين
هنيالك
واحد مريض
ماتشوف شر ومأجور ان شاء الله
تدري المؤمن ربي ياجره على الشوكه وشلون بالمرض الي يقلب حياتنا قلب
عقب هالمرض تحس بالضعف وحاجتك لربك يقل كبرياءك وغرورك وتحس بقيمة شي كبير
الصحه
فكره
لا تفكر باللي راح فكر باللي عندك
لاتطالع الي عند الناس ترى يمكن الي عندك افضل واحسن
قدوة
النمله
قصه قديمه كلنا نعرفها
ترى لكل جواد كبوه
والفشل هو طريق النجاح
لا يهمك الناس توكل على الله وامشي بطريقك
بأذن واحد احد راح توصل
ويومها تذكر النمله
السرعه
يسمونه عصر السرعه
ومن يوم ماانولدنا وهو عصر السرعه
للبنات:دايم نسمعهم يقولون لا تسرع للي يسوق
للشباب:لاتسرع ان تصل متأخرا خير ان لا تصل ابدا
بس هنا سرعه غير
سرعه مطلوبه
وسارعوا الى الخيرات
اي شي خير تفكر فيه لاتأجل الموضوع ابدأ فيه وعلم اخوك وصديقك
علمي اختج وصديقتج تساعدج عليه
من الافضل
عرق العامل ازكى من مسك القاعد
زفرات الكادح اجمل من اناشيد الكسول
ورغيف الجائع الذ من خروف المترف
يقولون بطاله!!
وانا استغرب
ليه البلدمليانه اجانب؟؟
يمكن لان الشباب اعلى من انهم يشتغلون هالشغلات التافهه
صراحه معاهم حق المفروض اي شاب سعودي يكون له مكتب مكيف دوام مريح
بس نسوا شي واحد
رسولنا الكريم افضل الخلق وش كان يشتغل فيه؟؟
كان راعي غنم
ولا انك تقعد عطالي بطالي احسن من نظرة الفرح بعيون امك بيوم لما تدخل عليها وتمد ايدك بهديه او بمبلغ لو كان بسيط وتقول هذا للبيت؟
مصاعب
لاتخاف
وخذ عندك الاسد
يواجه قطيع كامل من الجمال من غير خوف
لاتتشكى
وعندك الحمار يحمل الاثقال ولا يئن
لاتزهق وتتضجر
ترى الكلب يطارد فريسته لو هي بوسط النار
ولا تفكر ان عاهه ممكن توقفك عن الابداع وبلوغ القمم
ياما سمعنا عن ناس وصلوا للمجد وكان واحد منهم
اعمى
اصم
اشل
اعرج
المسأله مسألة عزم وهمه مو عضلات
حكمه
عسى أن يكون منعه لك سبحانه عطاء وحجزك عن رغبتك لطف*
وتأخرك عن مرادك عناية* فإنه أبصر بك منك.
إذا زارتك شدة فاعلم أنها سحابة صيف عن قليل تقشع*
ولا يخيفك رعدها ولا يرهبك برقها فربما كانت محملة بالغيث
اتمنى
الاعمى يتمنى يشوف العالم لو ساعه وحده
الاصم يتمنى لو يسمع يوم بحياته
المقعد يتمنى يقدر يمشي لو خطوتين باليوم
الابكم يتمنى لو يقول كلمه وحده يعبر فيها عن نفسه
وانت؟؟
انت تشاهد وتسمع وتتكلم وتمشي
الحياة
عيشها ولا تتوقع انها كامله عند اي احد
يقولك من عنده شهيه قد لايجد الطعام ومن عنده كل الاكل يمنع منه!!
واذا شفت شي عند غيرك مو عندك اعرف شي واحد
ان ربي عدل بين الناس
اكيد عندك شي مو عنده
مو شرط يكون هالشي ظاهر لك لكن فكر بأن ربك مايظلم احد
الذاكره
كثير سألنا نفسنا ليه دايم نتذكر المصايب وننسى الاشياء الحلوه وماتبقى في بالنا؟؟
لان كل مأساه تصيبنا تكون عباره عن درس ناخذه بهاالحياة
تهنئه وتعزيه
ياحظ من نام والناس تدعي له وياويله من نام والناس يدعون عليه
وياحظ من حبته القلوب
وياخسارةمن لعنته الالسن
وعلى قولة اخواننا المصريين
نام مظلوم وماتنامش ظالم
دعاء
ربناِ أدخلنا مدخل صدق وأخرجنا مخرج صدق
واجعل لنا من لدنك سلطانا نصيرا
ربنا لا تؤاخذنا إن نسينا أو أخطأنا
واغفر لنا إسرافنا في امرنا[/align]
هذه الرسالة تفيد بأنك غير مشترك. للاشتراك الرجاء اضغط هنــا
رسايل..بس مو اي رسايل!!
رد: رسايل..بس مو اي رسايل!!
