[align=center]
احلى مافي عودة العام الدراسي ( هذا اذا كان فيه شي حلو )
هو طرائف الاطفال المستجدين.... في الروضه والتمهيدي والصف الاول الابتدائي
بل ان حتى مجرد النضر اليهم يجلب الابتسامه.... واظنهم فاكهة المدرسه بالنسبه للمعلمين
وقد سمعت بعض الطرائف الحقيقيه والطازجه حقت هذا الاسبوع سارويها ....وانتظر منكم المزيد
*****
طفل قعد يبكي في اليوم الثاني من الدراسه وسأله المدرس ليه تبكي ؟....قال مالقيت فصلي ..
قال له المدرس انت في اي صف ياشاطر ؟ ...قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس وين كنت ؟
قال الطفل انا امس كنت في " اولى " بس اليوم اصير في ثاني ..!!!
******
الثاني مسكين احتاج الحمام وراح له وبالصدفه مر احد المدرسين جنب الحمام وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب ....المسكين الطفل بعد ماخرج من الحمام قالو له ليه كذا ؟ ....قال انا كذا اروح للحمام في بيتنا
******
طفل داوم معاه ابوه اول يومين وفي اليوم الثالث قال له انا ابروح للعمل واذا احتجت اي شي رح لم هالرجال واللي هو مدير المدرسه....والمدير يلبس نظاره وله لحيه واللي تسمى سكسوكه وبعد ماراح الوالد بفتره قعد الطفل يبكي وراحو به للمدير والمدير اتصل على الوالد واعطى التلفون للطفل يكلم ابوه فسـأله ابوه انت من وين تكلم ؟....قال الطفل انا اكلمك من عند الملك عبدالله..
******
طفل آخر من المستجدين ذهب في وسط الدراسه لفصل اخوه وقال للاستاذ ممكن اخوي....ضحك المدرس وقال ظروري ؟ قال الطفل ايه ضروري مره....المدرس توقع انه محتاجه يوديه لدورة المياه فقال لاخوه اطلع معاه....ولما طلع قال الطفل لاخوه تعال نبغاك تلعب معنا
***** وهذي طرفه قديمه حتى نفتح المجال حتى للقديم
وهي لطالب قال له المدرس شف هذاك كرسيك روح اجلس عليه....الطالب ما اكتفى فقط بالجلوس ولكنه عند نهاية الدوام اخذ معه الكرسي يجره الى بيتهم
*****
بصراحة مرررة عجبني الموضوع حبيت أشارك فيه بشي.. بنتي في الحضانة.. أول يوم راحت.. انبسطت و كل شي تمام.,,لما رجعت قالت لي..يا ماما انت فشلتيني!!حاطتني فطور يكفيني انا بلحالي ترا حنا بالفصل واجدين ..و الساندويتش ما كفانا كلنا و لا بقالي شي!!!(أثرها توزع على الدنيا.. تحسب الفطور قطة!!!!)
و نفس اليوم قبل ما تنام قالت لي: ياماما اذا جيتي تقوميني الصباح و لا طعت أقوم لا تقوميني..معناه ان بطني بيعورني وماني رايحة المدرسة!!!!!!
اعجبني الموضوع اللي يتكلم عن تجارب طلاب اول ابتدائي وصدفة كنت سامع قصة عن ولد خالتي يوم كنت اكلم امه اليوم المهم : تقول الأم ان الولد راح للمدرسة اول يوم و يوم رجع وهو منهبل و على وجهه علامات الدهشة والانبهار , قالت له امه اخبار المدرسة اليوم ؟ قال يمممه جانا المدرس له كرشة كبيــــرة , لالا و بعدين جانا مدرس ثاني كأنه بالع كورة أكبر من الأول ,, قالت له امه : ايه يا وليدي هذولا السعوديين وش تحتري ؟ الرشيق والا المهندم ؟ ,, في اليوم الثاني جرى نفس السيناريو و قال : يمه ما ابي اروح للمدرسة خلاص , قالت له الأم ليش ؟ قال : كل البزارين اللي معي بالروضة معي الحين بالفصل الله يلعن ابليسك يا خلوودي هذا اسم الخبل الولد
أيضا أحد الأطفال لما عاد من أول يوم دراسي قال لأمه : يمه أنا خلاص ماأبي اروح للمدرسة مرة ثانية .
قالت أمه : ليش ياولدي .
قال : خلاص أنا شفتها ليش اشوفها مرة ثانية وأنا شفتها اليوم ...
هههههههههههه يحسب الدعوة شوفة وبس
أسبوعين آخذ التغدية قبل الفسحة واروح بيتنا ،، إكتشفوا الموضوع وصاروا يغلقون الباب ،، نطيت من السور ،، وبعدها أخوي الكبير فهمني أنه يوجد حصص دراسية بعد الفسحة .
بنتي بالصف الأول وفي بداية الدراسة المعلمة تسألها عن موطن الباندا ،، جاوبتها ( في بيتنا ) لأن بنت خالتها نلقبها باندا
أحسن شئ إذا كنت في أولى وأبوك مدرّس أو مديـــر في نفس المدرسة .. أنواع رفعة الخشم على الطلااب ، وأنواع الدلع ..
الموضوع منقوول ومدموج[/align]
هذه الرسالة تفيد بأنك غير مشترك. للاشتراك الرجاء اضغط هنــا
بمناسبة العام الدراسي.... شاركونا طرائف.... طلاب الصف الاول الابتدائي
