جبـرني الوقــت يحكي روتينه اليومي
في احدى ايام الشتاء القارص والجو حار كح كح كح احم اقصد بارد جداً
كنت بحالة يرثى لها
مافي احد في البيت متعزب لحالي صاحي بعد 18 ساعه نوم بدون احلام ورديه
قمت كالعاده وانا اغني البرتقاله على بالي تجيب النشاط لاني سمعت هالحكمه من سوداني نشيط بالحيل
توكلة على ربي وغسلة وجهي وتلاحقت مافات من الفروض علشان ربي يوفقني
رحت المطبخ ابي افك الثلاجه والا بوسط الثلاجه ورقه (( رساله ))
استغربت وصابتني حيرة الشياب
كيف وليه ومتى وانا بعد مالمست الورقه تذكرت انه لازم اقرى اول قلت الله يقطع ابليس
دايم يفاجئني
اخذت الورق بيدي اليسار اتباعاً لتعليمات الدفاع المدني دايم اي شي تخاف منه تقرب منه بيدك اليسار
على بالهم انا مستغني عنها وافضل اليمن عليها
المهم التقطت الورقه والا هي مولعه مثل النار ضربتني النفاظه ورقه بالثلاجه وحاره اكيد الكلام ساخن
فتحت الورقه الا فيها هالكلام
بعد التحيه والسلام
جبـرنـي اهلك في خطر
اشرب البن الموجود في الفريزر وبعد ذلك ارجع كمل القرآءه
زادة النفاضه وفتحت الفريزر ومديت يدي اليسار للبن وطرقعته كله ولا خليت فيه قرطوع
كان لذيذ وانا عطشان
المهم رجعت اقرا الرساله والا فيها هالمكتوب
بالعافيه ياقلبي هني هني
نرجع لسالفتنا ياجبرني لازم تروح البر عند البل حقتكم واول ماتوصل تطرد الصبي نفل
وتقوله خذ ايجازه مفتوحه
وشب نارك لحالك وانتظر ماسيحدث
هه هه هه هه هه هه هه هه هه هه هه هه هه هه هه هه ضحكة مجرم
ملاحظه
كل الورقه الآن بدون اسئله
طبعاً شبيت في الورقه لاني انا ماكل الطراقيس ابوي يقول هذا الخبل الي ياكلها
ورحت آخذلي دش بمعنى استحمى
علشان يكون شغلي على ميه بيضا آخر حلاوه رغم اني خايف بالحيل وقلبي يدق خبيتي
المهم توكلت على ربي واخذت عزبتي ودقيت سلف ورحت للبل 200 كيلو شمال
وكانت الرحله سعيده حيث اني قابلت ابو سعبوله بالخط يشر كالعاده وانا منقطع عنه ست سنين
اخذته معي وركب وبعد الاحضان والسلامات حركنا
واحنا بالخط ابو سعبوله طلع شريط عزازي من جيبه وركبه بالمسجل واعطاني طناش
اكلمه مايرد داخل جو
المهم قفلت المسجل لاني استغربت الموقف خابر ابو سعبوله غثيث عمره ماكان صامت ابد
قلت له وشفيك يابعدي مو عادتك الصمت
ناظرني وقال قريت الورقه الي بالثلاجه؟؟؟؟؟
لحظتها بغيت انقلب لو ماأني سواق طاره وامبراطورها على قول القصبي
سفطت يمين وشغلت الفلشر
وقلت ابو سعبوله وش السالفه قال انتبه للمبه الخضرا هع هع هع هع هع هع هع هع هع هع هع هع
انا حقدت ونزلت على بالي مزحه غبيه منه ويوم جيت عند بابه وافتحه الا سعبوله مو فيه
اختفىىىىىىىىىىىىىىىىى
ادور يمين يسار مافيه احد اصيح سعبوله يالتعبان سعبوله اذا فيك خير تعال
سعبوله الله يرحم والديك فكني من شرك بلا مزح صعايده
سعبوله تكفى
المهم والله مابكيت بس القلب ينفض نفيض
رجعت للسياره وبدون صوت ساكت خايف ماترحكت من مكاني فجأه اشتغل المسجل على آخر صوت
عزازي ليتك تموت اليوم وارتاح انا منك /////////
ومن الفجعه طحت على وجهي بالزفلت وقمت مثل الذيب انا انفض واقول اعوذ بالله من ابليس
ركبت السياره وانا حامش وحذفت الشريط طول يدي بالسكه
وادقه بتفحيطه وادعس ادعس ادعس
مرتبك والله لكن ذيب ماعليه
شوي والا الجوال يدق في درج السياره فتحت الدرج وطلعت الجوال ورديت هلا
الا هو سعبوله يقول
كيفك ياجبـرني عسى وصلت بس
انفجعت وتذكرت انه جوالي مفصول وماعندي جهاز
رميت الجوال بالارض والا اشتغل السبيركر جبرني خذ الجوال يابعدي
وانا اتعوذ من ابليس اتعوذ اتعوذ اتعوذ
صاح سعبله اقووووووووووووووولك ارفع الجوال ياغبي
رفعته حامش سعبوله ماني غبي لاتقعد تغلط ترا انا مسلفك خمسه ريال ومارديته لي وماتكلمت
سعبله جلس يضحك هع هع هع هع هع هع هع
اقول لايكثر هرجك اسمعني زين عجل خلص الطريق بسرعه ترا زهقتنا ننتظرك
هع هع هع هع هع هع
رميت الجوال مع الطاقه وانا اقول طيب ياسعبول انا اوريك وعرقاني تخابط
وصلت على العشا والظلام دامس ثلاثه كيلو عن السكه بالبر
سفطت عند الخيمه ونزلت اهوجن دليل على عدم خوفي
يالا لا لااااااااااااااااااااااااااااااا لااااااااااااااااااااااه لاااااااااااااااااااه لييييييي
يايا ياااااااااااااااااااااااااااااااااااا ياااااااااااااااااه اييييييييه ايييييييييه
لوووووووولاه لييييييييه لااااااااااااالاااااااااااالاااااااااااااه ليييييييييه
يانفل ياااااااااااانفل
طلع نفل من الخيمه قالي حياالله عمي تفضل
جلسنا يدوب بسئله عن الحلال والخلفات والشغل كله كالعاده
جابلي طاسة الحليب وقال عمي لايكثر انا ماشي مثل ماانكتب بالرساله
هع هع هع هع هع هع هع
طلع من الخيمه وانا في حيره والريق ناشف قلت اشرب من الحليب
المهم وانا انتفض واقرب الطاسه ابي اشرب والا تطلعلي حرمه بالطاسه
مزيونه ومبرقعه تقول جبـرني اخبارك
انا تصلبت مكاني وماقدرت اتحرك قالت لاتخاف ياعمرها
وينك انتظرك من الصبح
رديت وانا روحي بتطلع الله الله الله يسلمك موجووووووود
انتي وش اخبارك
ضحكت ضحكه تطرح الطير من السما
وقالت الله يقطع سوالفك جننتني
انا ماني رايق للغزل القلب طاح بالطريق من الخوف
قالت كمل شربك واطلع انا انتظرك بخيمة الصبي لاتبطي علي
انا نزلت الطاسه وانا خايف مرتبك جايني صداع وحاس اني مت خلاص
طلعت ورحت لخيمة الصبي
ودخلت عندها وجلست والا ذي البنت المزيونه الي كلها بداوه
مبترقعه وقالت اجلس
جلست وقلت الله يسلمك ويحيك انتي من
قالت انا وحده حبتك من الصغر وابيك بعيوبك ابيك
تذكرت الروشيد زمان
وقلت طيب ليه هالحركات وليه الرسايل وليه الفجعه كان ممكن اتصال وننهي الموضوع
قالت مايهم التعب زين
يالله انا ابي الزواج وش قلت خلصني
قلت يابنت الحلال انا بنت عمي خاطبتني من زمان وانا صغير
قالت جبرني لاتكذب علي
انت محد يبيك من زينك
قلت طيب دامني مو زين ليه تبلشين فيني ترا انتي الف واحد يتمناك
المهم شوي وقامت اخذتني بيدي وطلعنا
والا عالم وعقود ورقص وزواج بصراحه وناسه بس انا خايف
جلست وانا اضحك
وعالم وبشر حولي مبرووووووووووك مبروووووووووووووووك
وانا ارجف واقول الله مير يبارك فيك ويخليك لعيون ترجيك لاندامه انشاء الله
بركه بركه
.
.
.
.
.
.
.
.
.
.
.
.
.
.
.
.
.
انتهت الحلقه هنا
تــــــحــــــيــــــــاتـــــــــــــي
جبرني الوقت
هذه الرسالة تفيد بأنك غير مشترك. للاشتراك الرجاء اضغط هنــا
oOo فلم رعب ...قصه واقعيه oOo
