[align=center]السلام عليكم ورحمة الله وبركاته
تحيه طيبه للجميع .. واسعد الله مساكم بكل خير ومسره .. هذه القصيده للشاعر محمد الدحيمي .. وارجوا ان تنال اعجابكم .. والشاعر في القصيده له مقاصد يرمي اليها وهي بخصوص بعض المواقف بينه وبين بعض الشعراء الاخرين كما سمعت .. والعهده على الرواي كما يقال ..[/align]
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/33.gif" border="ridge,4,skyblue" type=2 line=0 align=center use=ex num="0,black"]
شاعر(ن) تل القوافي في طواريقه وغنا = ناشدٍ عني تراني من عرب شبه الجزيره
ياسلام الله سلام الطيب والطيب يتثنا = يا قصيدي وانت راع الأوله قبل الأخيره
يوم ساقتني هجوسي ياولد منا ومنا = قلت ارد الشان للرحمان وادعي بالستيره
ما تكبدت الخساير من وطنا في وطنا = باخس طيري ومن له بالقنص يبخص بطيره
والله انا ما طففنا الكيل يوم انا وزنا = ولا ذخرنا جاهل كالوا بلا صاع شعيره
ماتعودت الحق اطلب للخوي إلا تمنا = دام لي وجه يمون وكل نشمي يستعيره
علم اللي طاح ما بين المغيره والمثنا = أن سلم سيف المثني ما سلم سيف المغيره
يحسب انه يلحق (منيره) وهو يلحق(مهنا ) = الخبل يلحق (مهنا) يحسب (مهنا ) (منيره )
كان ظنه ما وصلنا علموه انا وصلنا = ما يموت من الظما مطوي رشا غبه لبيره
والغبينه لا علي النذر مثله ما غبنا = كل حب له رحاه وكل سيف له جفيره
من (جحا ولا حميره ) وش علينا ما اشتحنا = دام حدينا فرسنا من (جحا والاحميره)
إن بغاها بالمراجل ينشد القالات عنا = ويدري انا لا انتخنا البزر قمنا له عشيره
ما ذخرنا إلا الحميا والوفاء وسلوم اهلنا = يوم ولد اللاش يذخر قلة الشيمه ذخيره
واكبر اهل الدار لو ما وصل حد الشيب سنا = شايب لا اعمومست الأريا نجيه ونستشيره
يا جملنا ما جهلك ( الزير سالم ) يا جملنا = ايهبا ( داحس) على ( الغبرا ) على ( سالم وزيره )
قد وسمتك وسم جدي لا غفلت ولاجهلنا = وكل مطنوخ يوسم وسم جدانه بميره
والهنوف اللي زهت بكفوفها نقشات حنا = روحت بقلوب بعض الناس من ديره لديره
وافضحت وجنة (سميره) خوة اللي ممتحنا = بايع الخوه بحبة خال في وجنة( سميره)
صاحبي لو تأخذك في اللاش شرهة حسن ظنا = عدها شرهة ضميرٍ حي في ميت ضميره
صاحبي ما كل وردٍ يعجبك شكله يجنا = ولا خبرت اعمى بصيره جا يقود اعمى بصيره
والدحـــــــــيــــــمي يوم تل القاف هيجن به وغنا = يا ســــــــــلام الله على ربعي عرب شبه الجزيره [/poem]
[align=center]الشاعر / محمد الدحيمي
مشعل [/align]
هذه الرسالة تفيد بأنك غير مشترك. للاشتراك الرجاء اضغط هنــا
ايهبا ( داحس) على ( الغبرا ) على ( سالم وزيره)
العرض العادي
