[align=center]السلام عليكم ورحمة الله وبركاته
اسعد الله اوقاتكم بالخير والمسرات
هذه القصيده من اروع ما قرأت في الفتره الاخيره وقد ابدع الشاعر في رسم لوحات شعريه جميله تراها في كل بيت من ابيات هذه القصيده الرائعه بحق
واليكم القصيده
[poem=font="Simplified Arabic,4,darkblue,bold,normal" bkcolor="royalblue" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يوم طال الليل فـى مسـراي شديـت الركايـب - وماحسبت حسـاب للهفـوات وظـروفِِ لعينـه
يا مجاهيـم الليالـي ماذخرتـي لـى زهايـب - غير جرحِِ فى حشاي وحفنة طعـون وضغينـه
ساق عمري لك شبابه صامـلِِ ماهـو بهايـب - وياكثر ماشال من صبره وسط ذيـك الخزينـه
سايقـه مـع سرمـدي البيـد والخفـاق ذايـب - وخايف من قولـة انـه راجـع بخفـي حنينـه
والزمان اللى غـدي بيـن المجابـه والطلايـب - هـو يقـدر وقفـة الرجـال والدمعـه بعينـه
والزمن لاصار خصمـي وأبجدياتـه مصايـب - من يدينه لاغرس همـه بصـدري مـن يدينـه
ماعلى وجه الزمن شرهه ولا لـه مـن عقايـب - والسمان عجاف فيه وصـارت العجفـا سمينـه
والعيون اللى تـرف رموشهـا دمـعِِ سكايـب - مـن يقديهـا ونـور الليـل ذابـن شمعتيـنـه
مالها ألا الصبر واللى فات ماجـا بـالنحايـب - والعمر من لوعتـه ماينعـرف زينـه وشينـه
من عرفت العلم متعبني طمـوح وحـظ عايـب - رغم هذا ماتركتـه يـوم فـى عسـره ولينـه
آه يا حلمِِ رجيتـه ليـن صـار الحلـم شايـب - ماوصلـت لرغبتـي والليـل عدابـي حنيـنـه
عاشقِِ عدي على المرقاب وجروحـه عطايـب - وفارسِِ يسمع صدي النخـوه وكفينـه رهينـه
من سمع بحكاية المذبـوح مـن ظلـم القرايـب - ومن سمع بحكايـة العطشـان والسيـل ودنينـه
ماذخـرت الا طمـوحِِ مـا تثنيـه الصعايـب - ولا ذكرت الا فتي ؟؟للعـز مرخـي راحتينـه
ولا خبرت الا كريم مرخـص مهـورِِ نجايـب - والرجل لو هو يشـح الوقـت ماشحـت يمينـه
والبنادم نطفةِِ با الصلـب وأحضـان الترايـب - ولـو تعـدي للنجـوم نهايتـه لبنـه وطيـنـه
والطريـق اللـى حدانـي للهمـوم وللحرايـب - ماثنيت الرجل فى دربـه وانـا دينـي ودينـه
والعلوم اللى تجـر النفـس لهـروج وشوايـب - عنها فى اذني هذى طينه وفـى هـذي عجينـه؟
والغرام اللى رجـع مـع هقـوة الايـام خايـب - وجيت ادور له عذر من لهفتـي والعـذر وينـه
لاحشـا ماقلتهـا تبريـر والدنـيـا وهـايـب - والعذر فى الحب.؟ مايجدي مع نفـوسِِ حزينـه
وانت ياللـي تستثيـر الحـب وتجـر الذوايـب- وصرت مثل اللى غدي بين العرب مغريه زينـه
لا تمادي فى غرورك بـالهوي ويش انت جايب - لا تمـادي لا يغـرك لا جمـيـل ولا بثيـنـه
تستهين الحب فى بالك على ان الـراي صايـب - لعنبـوا حـبِِ جمعنـي فيـك دامـك تستهينـه
ماوري حدب الضلوع من الغـرام الا خرايـب - من بعد ما كانـت احـلام ومواويـل وسكينـه
وشـبقي وشـراح دام العمـر تاليتـه نهايـب - قل على الدنيا السـلام وصاحبـك ربـه يعينـه
راح عمري كل عمري من ذهايب ؟.؟ فى ذهايب - والرحا نسمـع (لجعجعتـه) ولا شفنـا طحينـه
فى عيون الناس شفت لك العجـب وام العجايـب - شفتهـا لـو قالـوا انـا عاذرينـه عاذريـنـه
والله انك لو بلغـت بزينـك عيـون السحايـب - جرحك اللى فى خفوقـي مانسيتـه مـع ونينـه
ما على حسنك حسوف ولو سلب كـل اللبايـب - والله انـه مـا شحنـى فيـك عنابـه وتيـنـه
رح على كيفك وعمر الحب ماهو بـالغصايـب - واليقين من الخبـر يجيـك علمـه مـن جهينـه
رح على فالك ولـو فرقـاك تاليهـا نصايـب - الهوي والذل مـا يمشـي علـى روسِِ ذهينـه
اتحاشي عن خطاك ودامهـا جـت بـالنشايـب - الرجـل مـادون حلقـه لا بتلـوه الا يديـنـه
ادري ان الحب جمـره وادري بشوقـه لهايـب - بـس لامـن صـار ذل علهـا تقفـي سنينـه
صار ثاري من ورا ذا الحب مدحور الصلايـب - ثار ابو ليلي المهلهـل عنـد جسـاس وعوينـه
والله انـى مـن بعـد صارلـي قانـع وتايـب - ولا رحم ذاك الغرام وماحصـل بينـي وبينـه
والله انى مـا ندمـت الا علـى قولـة حبايـب - دام حبـك مبتلينـي مـن غبينـه فـى غبينـه
وخبر اللى يرتجي ذلـي علـى كثـر الغلايـب - يا عوينـه كـان ذا حده؟وجيـده؟ يـا عوينـه
طال نزف الجـرح والايـام حاليهـا عصايـب - وطال ليـل السالفـه بيـن الشـوارع والمدينـه
ولو غدي كلِِ على المعروف لو شحـت هبايـب - ما حشد هـدام جيشـه للكويـت ومـات دينـه
ولو غدي الغالي مع الايـام لامـن فقـد غايـب - مابكـت ام الأسيروشاقـهـا طـلـة جبيـنـه
ولو غدي كل لأدنـي ظلـم مخـروسِِ وهايـب - كان ذاك المسجدالأقصي خـلا مـن ساكنينـه؟
والزمان اللى غـدي بيـن المجابـه والطلايـب - لا يحسب انـه يـذل الرجـل والدمعـه بعينـه
ويوم .طال الليل.. طال الليل..شديـت الركايـب - فـارسِِ عاثـر زمانـه والليـالـي ماتهيـنـه[/poem]
قصيدة منقوله لم اعثر على قائلها
وله تحيه مني على هذا الشعر الرائع
مشعل [/align]
هذه الرسالة تفيد بأنك غير مشترك. للاشتراك الرجاء اضغط هنــا
المواضيع المتشابهه
ما على حسنك حسوف ولو سلب كـل اللبايـب
العرض العادي
