كل من يضحك بدنيـاه مسـرور
لو ضحـــــكته ودايم تحــــرك حـجاجـه
وما كل من يبكي من الناس مقهـور
بعض الدموع رخاص من شان حـاجه
وما كل صادق لو حكا لك من شعور
يا كثر من زيف المشــــــــاعـر خراجـه
وما كل ما يخفا من السـر مستـور
بعض الوجــيه أبين من أرهف زجاجه
وما كل بيتٍ بابه أنصك مهجـور
كم بيــتٍ أطفا الشــــح واهـج ســــراجـه
وما كل وردٍ تزرعـه ينثـر عطـور
لو ماه صـــــــافي مـا يخالـــــــط هماجـه
وما كل مرهف قلب لو يزرع زهـور
قلب يحــــــب الورد وهو مثــــــل صاجـه
وما كل من يخطي من الناس معذور
البعـــــض يخطي من علــــــوم العـواجـه
وما كل من يسكت على الضيم مجبور
لجــــــل الغـــــلا ساكت ويدعـي انفـراجـه
وما كل رأس ضيع الفكـر مسحـور
كم رأس ســحر الحب جاب ارتجــــــــاجـه
وما كل علـه فادهـا طـب دكتـور
كم من علـــــــــيلٍ وصـل خلــــــــه علاجـه
وما كل من شاور حكيمٍ خذا الشـور
بعض الــــــــبشر مـا يقنـع إلا مـــــــزاجـه
وما كل من سمي صقر يشبه صقور
كم من صـــــقر وقت الشدايـد دجاجــــــــه
هذه الرسالة تفيد بأنك غير مشترك. للاشتراك الرجاء اضغط هنــا
كم من صقر وقت الشدايد دجاجه...
[/IMG]::
