ماطرى بعد الموادَع غير ( كيف اقطع وريد )=
و اكتب بدم الموادِع كلمة ٍ فيها ملامه

ما احب اللوم لكن حدني حظ ٍ عنيد=
مايل ٍ من عام الأول ناسي ٍ معنى استقامه

جاتني حرقة وداع ٍ .. ذوبت باس ٍ حديد=
لحظة ٍ يا لعن ابوها داست القلب بحطامه

قبلها ما كنت شاعر .. وقتها كلي قصيد=
بعدها ادعيه ربي رده بخير و سلامه

ما كرهت الصيف لنه ناشف و حره شديد=
بس كرهته لن خلي قالها و اثبت كلامه

ايه اسافر كل صيف و مقصدي شوقك يزيد=
و ان تمللت بغيابي .. لا عب الليل و ظلامه !

آه منه كيف قاسي .. سهله يتركني وحيد=
بالعطا يبخل عليّا و بالبطا يجود بسهامه

لعن ابوه ان كان ناسي شوق من نوعه فريد=
يوم اشوفه كنت اضمه و تشتكي مني عظامه !

رحت له لين المطار و غايتي دمعي يفيد=
للأسف كمل طريقه .. كان يلوح بابتسامه

ما ترك للشوق صوره .. رقم هاتف .. او بريد=
كيف انا شهرين بصبر .. عن دلاله و عن خصامه


يشهد الله كنت ضايع .. بين يمكن او اكيد=
و ناس ٍ تساسر بعضها .. منهو هذا ؟ وش علامه ؟

كنت انا للحزن مصدر للي شايف من بعيد=
و اللي ساكن في السويدا راح و ما بان اهتمامه

قلت ابرجع و امري لله و ابتدي يوم ٍ جديد=
و الدموع تعيق شوفي .. و الدروب بلا علامه !

لا دليل يدل قلبي .. لا صديق ولا عضيد=
و ان بغيت ارجي الغريب .. تردني عنه الكرامه

بآخر العشرين عمري .. ابكي و كني وليد=
طفل ٍ بسن الرضاعه و انفطم من قبل عامه

يا ملا من يطفي نار ٍ زادت بقلبي وقيد=
يشتكي الخفاق منها و هي تمادى بالتهامه

جيت ابطفيها بدموعي شفتها تعيد و تزيد=
نار بعد و نار شوق و فوقها نار الندامه

و الغضي ما حس فيها .. مهتني بفرح ٍ رغيد=
في سما السلوان طاير ما دنى للحزن هامه

كيف يترك منهو كان ف/ قربه سيد لكل سيد=
وين ميثاق المحبه ؟ وين وعده والتزامه ؟

ليه انا اخسر شموخي و العواذل تستفيد؟=
يوم يكسرني بغيابه و ما يبين لي هيامه

ليه انا ابكي و اعاني و خلي احساسه بليد ؟=
دمعي لامس قاع ثوبي و دمعه ما لامس لثامه !

عفت كل الناس لأجله لين سموني (( الفقيد ))=
و هوَ ما يدري بحالي و شلي سوا بي غرامه

تختلط عندي الشوارع .. عني تركيزي يحيد=
ضايع ٍ مني طريقي و ما على مثلي ملامه

و البدايه جيت برجع بوظبي و فكري شريد=
دون ما اشعر شفت نفسي قابض ٍ خط الشهامه !!!!


و الله اني من سواته ما بقى بعقلي رصيد=
خوفي لا طال السفر عقلي يعجل بانعدامه

جيت انا(( قبل الأذان )) ْلبيت خلاق العبيد=
و يوم قال الله اكبر .. قمت .. احسبها (( الإقامه))

ليه يا صيف المسافر للمسافر صرت عيد ؟=
تمنعه ينصف ضنينه من بعد ما الوقت ظامه !

ليه يا صيف الموادع للموادع ما تريد=
غير هم ٍ كنك اللي ثاير و حان انتقامه !!

اكرهك يا صيف لنك ناشف و حرك شديد=
و اكرهك يا صيف لنك تثبت لخلي كلامه

اكرهك و استغفر الله يوم قلت (( اقطع وريد ))=
ما ابيه يشوف جرحي يوم يرجع بالسلامه



** من أروع ماقرأت من الشعر وان شاء الله تنال على رضآآآكم واستحسانكم

يشهد الله كنت ضايع .. بين يمكن او اكيد=
و ناس ٍ تساسر بعضها .. منهو هذا ؟ وش علامه

------------------------------


والله كل يوم وابداعاتك تزيد

يالجوهرة
رب لايحرمني منك يارب ومن ابداعاتك
----------------------

قصيدة ولا أروع
إن دلت على شي فإنما تدل على روعة ناقلتها لنا

الجوهرة

لاهنتي يالغلا فديتك وربي

ارجوا الاستمرار على هذا الابداع المتواصل
فانت ثروة ثمينة في منتدى الدلع

تقبلي خالص تحياتي

اخوك دلووووووووع مهسسسسسسسستر

[mark=CCCCCC]جاتني حرقة وداع ٍ .. ذوبت باس ٍ حديد=
لحظة ٍ يا لعن ابوها داست القلب بحطامه

قبلها ما كنت شاعر .. وقتها كلي قصيد=
بعدها ادعيه ربي رده بخير و سلامه

آه منه كيف قاسي .. سهله يتركني وحيد=
بالعطا يبخل عليّا و بالبطا يجود بسهامه[/mark]


الـــــجوهرة



الله روعة روعة روعة

سلمت يدينك ودامت اطلالتك

تحياتي لك












توقيعي
لـــــحظة سعادة

بآخر العشرين عمري .. ابكي و كني وليد=
طفل ٍ بسن الرضاعه و انفطم من قبل عامه


يا ملا من يطفي نار ٍ زادت بقلبي وقيد=
يشتكي الخفاق منها و هي تمادى بالتهامه


والله روعه روعه

تسلمي ياحياتي على الموضوع

ولا تحرمينا من جديدك

دلوع مهستر
شهاده اعــــــــــــــــــــــــــــــــتز فيها واشكرك
واتمنى ان اكون عند حسن ظن الجميع تحياتي
لك نورت الموضوع بمرورك
لحظه سعاده
مشكور يالغلا على مرورك المميز
وانار قصيدتي
عذب الصفات
فديتك يالغلا مرورك رائع وردك اروع

غالــــيتي الجوهرهـ ...

يسلمووو عالابداع كم هو جميل

تسلم لنا هاآلآنامل الذهبيه

الله لايحرمنااا من جديدك

وبنتظارك بشوووق

لاخلا ولاعدم

دمتي بكل ود,,,

*
فيصل الرياض