من أروع ماقرأت وسمعت للشاعر عبدالله التركــــي

قصيدة مرهفة الحس وغارقة في الحزن

اترككم مع درب الغياب..


على أمرك يابعد نبض الخفوق وهاجسي ومناي
................................... مدامك ماتبي وصلي أنا وش عاد يبقينـي


أبحفظ مابقى لي من كرامه وأستحـث خطـاي
...................................على درب الغياب ووين مـاودى يودينـي


واذا هفهف على صدري هواك وحدني لاقصاي
................................... دعيت الله يطمن في بعادي قلبي وعينـي


وطلبته مثل مامكـن غـلاك وركزه بحشـاي
................................... يشيله من معاليقي قبل لا الوجـد ينهينـي


ولعلمك لو عرفت إني أبثني عزمك برجـاوي
................................... أموت ولا ترجيتك وقلبـك مرخص فينـي


لو انك قلتها تبغـى تشـوف معزتـك جـواي
................................... أو انك قلتها ساعه زعل والذنب كاسينـي



لاجيك بكل حيلاتي من ايـام الصبـا لا تـلاي
...................................وأشري رضاك لو كان المقابل باقي سنيني


ولكن مالمسته بك قتل حتـى العتـب بشفـاي
................................... غرام ٍ مات في عينك على فرقاك يغريني


حسافة كنت احسب انك تقدر طيبتـي ووفـاي
...................................وعلى اقل احتمال تراعي اللي بينك وبيني


توقعت إنك أخلص من عرفت وشفت في دنياي
................................... أشك بكل من حولي ووحـدك ماتخلينـي


طلبت البعد في وقتٍ أبيك تكـون بـه يمناي
................................... بعد ماجارت ايامي علي وحارت يدينـي


ولايخفاك صكات الزمان وماحصـل ويـاي
................................... ولو مافي يدك حاجة وجودك كان يكفيني


توفي لو بعض دينك إلين آقف علـى ماطـاي
................................... لعل يكون لي صبر ٍ على الفرقا يقدينـي


على كل حال ماينفع كلامي لـك ولا شكـواي
................................... عن اذنك برحل لدرب الغياب اللي يناديني

يعافيييييييييييك ربي على القصيدة


والله قصيدة رائعة تحمل في طياتها الشي الكثير


تقبلي خالص تحياتي

اخوك دلووووووع مهسسسسسسسسسستر

لو انك قلتها تبغـى تشـوف معزتـك جـواي
................................... أو انك قلتها ساعه زعل والذنب كاسينـي
لاجيك بكل حيلاتي من ايـام الصبـا لا تـلاي
...................................وأشري رضاك لو كان المقابل باقي سنيني




مغروره بس معذوره


الله اكبر على من كتبها

انا اشهد انه شاعر كبير من وجهة نظري طبعا

سلمتي ودمتي لنا مصدر ابداع دايم

تحياتي لك خيتووووووو












التوقيع
لـــــحظة سعادة

دلوع مهستر _ لـــــحظة سعادة


مشكوووريــن على المرور الجميــل


والرائــع والابداع مروركـــم


دمــتم بالف خيـــر

غالــــيتي مغروره بس معذوره ...

يسلمووو عالابداع كم هو جميل

تسلم لنا هاآلآنامل الذهبيه

الله لايحرمنااا من جديدك

وبنتظارك بشوووق

لاخلا ولاعدم

دمتي بكل ود,,,

*
فيصل الرياض

مغرورهـ بس معذورهـ
.
.
أبحرنآ معكِ في قوآفي هذهـ القصيدة
الرآآآئعة بالرغم من ألم الغيآب
آلذي وصفه الشآعر بحرقة
.
.
سلمت لنآ ذآئقتكِ وذوقكِ
.
.
حـــلآ نجد