الوصايا ! الدسم العنزي

q_I_II I_i_I · 01-28-2008, 10:51 AM

بسم الله الرحمن الرحيم

حبيت اجيب لكم قصيده من قصـايد جـدي

وهـو الشـاعـر الدسم العنزي رحمه الله

ينصح فيها اخوه :

ياخوي لك عندي وصاة مصيبه
وصاه تلمس العقل وتصيب
ترى وصاة اخوك مابه معيبه
لاصار اخوك كامل العقل ومنيب
اخاف اموت ولا ضلال تجيبه
توزي لضيقات الدروب الضنابيب
حيث الليالي ماتعلم بغيبه
ولايعلم الاصاحب العلم بالغيب
ودي تحرص عن بلا كل ويبه
ويصير بك عرف وكمال وتأديب
والا المقدر صار ماينحكي به
ماينمحي هذا من الله مكاتيب
اول وصاتي بالفروض الاديبه
صوم وصلاه وعدهن بالمواجيب
وثاني وصاتي للامور الصعيبه
احرص عليها قبل هونن وتصعيب
جرح عبيله مايكلف طبيبه
ولاشي الاماضي له تجاريب
وثالث وصاتي تلعة ينعدي به
تلقى عليها بيٌنات المساريب
واللي عدى به ذيب من بطن ذيبه
فلا واحد عدى بها غير هو ذيب
ترى هذاك العرف من غير ريبه
راعيه لايطلب ولا له مطاليب
ورابع وصاتي كثرة الهرج خيبه
هرج بلا معناه مسموج ويخيب
لاصار ماعندك علوم غريبه
بين الرجال ترتب الهرج ترتيب
وخامس وصاتي خفة الرجل عيبه
من راكض الفرقان يركض له العيب
لاصار ماتنحر لزوم تجيبه
تنحر غرضك ان كان ماجاك وتجيب
وسادس وصاتي لك معزه وهيبه
عليك بسفن البر حرش العراقيب
ولايعجبك الزبد هو والرويبه
ترغب لحوش الضان وتخلي النيب
راعي الغنم يشيب من قبل شيبه
والبل معزه تجلي الهم والشيب
إليا اشلهب الوقت لو هو حليبه
يوصلك لديار الهنى والتعاجيب
وسابع وصاتي كان صابتك سيبه
تقدر على كثر الثمن والمطاليب
بنت الحموله والاصيل العريبه
اللي قناهن نال لذه وترغيب
واللي جنى بنت الردي والهليبه
اصبح بهٌم وجنب الربع تجنيب
والعجز يرثلك مذله وخيبه
اردى الرجال اللي يذمونه السيب
عليك بالسقمه ولو هي تعيبه
مادام بك حيل تنط العراقيب
ترى كثير المال كلن حبيبه
ويقال له فت جاي لو مافعل طيب
ولاقليل المال شنن ارويبه
لو كان طيب يكثرن به عذاريب
وثامن وصاتي شرها ينحري به
ترى الدروب الفاسده مابها طيب
درب الزنا والعايزه والقريبه
ترى هذيلن من كبار العذاريب
ثنتين من داخي عليهن احكي به
علمن يبين من اذان الاعاريب
مداخي على عرضه مثل شق جيبه
ومداخي على وجهه تعيبه معاييب
وتاسع وصاتي عن مناقر شريبه
لاصار ماهو من وساع المساريب
خله ويلقى بالموارد لعيبه
عند الضوامي يكثرون اللواعيب
ومن دور العيلات غربل نصيبه
احسب احسابه من حساب المذاهيب
ومن جنب الشيطان حقه غديبه
ومن هاب طبات الملاعيب ماهيب
عن واحد يبلاك او تبتلي به
حديكم يناحر ديار الاجانيب
وعاشر وصاتي اليا صارت مصيبه
وبلاك ربك وابتلوك المقاضيب
احذر تمضي ماتسمى غليبه
امض وتبين عن لحاق المشاعيب
ازبن على حصن الرجال الصليبه
عدك بعيطى عن سموم اللواهيب
ومن غيرها عندي وصايا غريبه
لافكر الفاهم تصيب المتاريب
والكل منهن يوم تفطن صعيبه
والكل منهن يلحقن لك مشاعيب
الضيف ضيف الله وصابه حبيبه
استقبل ضيفك بتهلي وترحيب
قلط له الموجود وماهان جيبه
واحلف على الموجود دين المعازيب
وخويك اللي بالخلا تبتلي به
خيال ولافوق عوج المصاليب
اوراجل حفيان ماله نجيبه
اوعورة يبلى بها عالم الغيب
اصبر وراعي الصبر مشكور طيبه
عند اللي يدور الفخر والمراتيب
وقصيرك اللي يصيبك يصيبه
وصابه الله لا تحسف به الطيب
حق عليك تزود القدر هيبه
اليا مايروح بزود حشمه وتوجيب
راعي الجدى حق الردى مايصيبه
ومن لاعرض جنبه على الطعن ماصيب
الشيوخ والحكام زملن منيبه
بهم عمار وقضي لازم وتخريب
ماينومن من شان منهم حليبه
يتقلب عقب الصداقه تقول شيب
اهل خفايا وغيبهم ماادري به
يتحدرجون بدون عيب وتذنيب
عشرانهم اهل العلوم العجيبه
وصدقانهم مروين حد المغاليب
ليا صار ماحدى الثلاثه تجيبه
مالك بهم والدرب شرقن وتغريب
خويهم مايشتهي نفض جيبه
حكاي وجهينن يقص العراقيب
هذي يوديها وهذي يجيبه
وهذي يسويها بين صدقن وتكذيب
والي حكا بين الصحيب وصحيبه
مخرب ويخررب بين ناسن اصااحيب
سوالفه دايم نميمه وغيبه
ولايستحي من كلمة الكذب والعيب
راعي النقيلي لاتوارد قليبه
موارده مايبهج القلب ويثيب
هذاك لاتنزل جوانب شعيبه
بالك تحطه يابو زعزوع بالجيب

واتمنى اعجبتكم واستفدتوا من النصايح

والحكم اللي فيها

,
,

طـارق الـدســم العـنـزي

أمير العز · 01-28-2008, 10:59 AM

صح لسانه على الحكم

q_I_II I_i_I · 01-28-2008, 11:12 AM

صــح الله بــدنــك

وتسـلـم علـى المـرور وما قصـرت يا الغــالــي ..

ॐ إح ـسّآسٌ كّآتبٌ ॐ · 01-28-2008, 12:38 PM

صح لسانه

هذا الشعر

ومشكور اخوي على الطرح

تقبل مروري

q_I_II I_i_I · 01-28-2008, 01:05 PM

صح الله بدنــك

ومشكور على المــرور

وادعــو له بالرحمه امانـــه

ॐ إح ـسّآسٌ كّآتبٌ ॐ · 01-28-2008, 03:11 PM

الله يرحمه

ويغفر له ويجعله من اهل الجنه

الجوهره · 01-28-2008, 09:48 PM

لنا الله

فيصل الرياض · 01-28-2008, 10:10 PM

أخوي الغالي
طارق العنزي
:
رايع ما سطرت يداك بروعة حظورك سلمت اناملك

الف شكر على التميز في الطرح

الله يعطيك الف مليون عافيه

ولاخلا ولاعدم

وبنتظار جديدك

دمت بكل ود
:
/
فيصل الرياض

q_I_II I_i_I · 02-10-2008, 02:04 AM

اقتباس:

المشاركة الأصلية كتبت بواسطة د/دلـــــــــــع

الله يرحمه

ويغفر له ويجعله من اهل الجنه

الله يسمع منك اختي

واشكرك على المـرور وما قصرتي ؟

q_I_II I_i_I · 02-10-2008, 02:05 AM

الجوهره اشكرك على المــرور

01-28-2008, 12:38 PM	#4
ॐ إح ـسّآسٌ كّآتبٌ ॐ ღ - مشرف احاسيس الدلع - ღ تاريخ التسجيل: Nov 2007 المشاركات: 3,184	رد: الوصايا ! الدسم العنزي صح لسانه هذا الشعر ومشكور اخوي على الطرح تقبل مروري

01-28-2008, 03:11 PM	#6
ॐ إح ـسّآسٌ كّآتبٌ ॐ ღ - مشرف احاسيس الدلع - ღ تاريخ التسجيل: Nov 2007 المشاركات: 3,184	رد: الوصايا ! الدسم العنزي الله يرحمه ويغفر له ويجعله من اهل الجنه

01-28-2008, 09:48 PM	#7
الجوهره ღ - دلـع مميــز - ღ تاريخ التسجيل: Nov 2007 المشاركات: 1,760	رد: الوصايا ! الدسم العنزي لنا الله __________________ التعديل الأخير تم بواسطة الجوهره ; 01-28-2008 الساعة 09:52 PM.

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)