عيوني تذرف الحسرة زماني راح يا خلان
صفيت لدنيتي لعبه على هواها تمشيني
تسايرني بوهم لحظه وتسقيني الشهد نيران
أنا كلي حصاد طعون من الايام تلفيني
زماني راح وأحبابي خيالن انقضى ومابان
صحيح الدنيا دواره وصعيبه طعنة سنيني
توهمت الهوى وعشته من الشريان الى الشريان
صعدت المجد بشعوري وداريته بشراييني
حملت العشق في روحي وذوبني من الاشجان
نسيت الناس والعالم وبنيت قصوري بيديني
أثاريها عشق لحظه ترسيني على الحرمان
غدر فيني خيال الامس واللي شفته كافيني
تلفت سمعي لأحبابي عساهم يمسحوا الاحزان
ولكن صرختي كانت صدى يجتاح مافيني
وصرت اللعبة والاسباب عجزت اعرف لها عنوان
حسافه دنيتي خانت ورورحي ماتت بعيني
منت ملكي بس أحبك
زمـــــــاني راح يــــــــــاخلان....
العرض العادي
