أسئله ترفع الضغط
وودك تتوطين في بطن اللي يسالك
مثلا :-
أنتي بغرفتك منسدحه بالسرير ومطفيه النور ومتلحفه بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- بتنامين ! ! !
عاد انت تقول بنفسك (( لا أبرقص ,, أكيد أبنام ))
أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتوا العزيمه "
عاد انت تقول بنفسك(( لا عند الاشاره))
والعكس(للأولاد) :- أنت لابس ثوبك وكاشخ بالشماغ وماشي بالبيت متجه لباب الشارع ,,
يجي أحد من أهلك وينادي بصوت عالي >>> بتطلع ! ! !
عاد انت تقول بنفسك(( لا اجرب الباب هو زين ولالا))
أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,
أنت بكل ذوق تفتح القزازه وتقوله :- آمر يالحبيب ؟
يقولك :-بتمشي با السياره ! ! !
عاد انت تقول بنفسك(( لا أبفحط وأسوي خمسات . . . . أكيد أنا ماشي ))
(البنت) مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك
والغشمرة ورحتي عند الباب تلبسين عبايتك . . .
تجي وحده ملقوفه من البنات وتقولك : - فلانه بتروحين البيت ! ! !
عاد انت تقول بنفسك(( لا بصلي في البنات أكيد أبروح لبيتنا من زين الكليه جالسه فيها ))
مثلا ماسكه سماعه التلفون وقاعده تضغطين بالأرقام يجي أحد من أهلك ويقولك :-تكلمين بتلفوون ! ! !
عاد انت تقول بنفسك((لا بصور معه كم صوور تذكاريه , , أكيد أبكلم ))
مثلا :- ماسكه مذكرة أو كتاب وقاعده تحفظين ومتحمسه . . جاء أحد وقالك :- قاعده تذاكرين ! ! !
عاد انت تقول بنفسك(( لا أفرش اسناني , , , أيه أذاكر ))
أو مثلا تسبحين بالمسبح بالإستراحه يجي واحد من أهلك يمر عليك ويقول :- فلانه تسبحين ! ! !
عاد انت تقول بنفسك(( لا ادغدغ سمكه))
ولا تعالو شوفو قنواتنا وأسئلتهم البايخة:
مثلا بالعيد جايين يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
عاد انت تقول بنفسك(( لا منه المال ومنها العيال خخخ))
والأسخف من هالبديهيات اللي يضيع وقتنا إذا قابلوا مع بزارين , , ,
يقول المذيع للبزر :- أنت تحب ماما وبابا ! ! !
عاد انت تقول بنفسك(( لا احبك))
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(عاد انت تقول بنفسك( لا أبروح أكفخهم وأسوي هوشه , , , أكيد أبعايدهم ))
واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار
عاد انت تقول بنفسك(( لا والله جاي اشوف مباراه الهلال والنصر ... اكيد اني بسافر ))
هذه الرسالة تفيد بأنك غير مشترك. للاشتراك الرجاء اضغط هنــا
اسئلة ترفع الضغط ودك تتوطى ببطن اللي يسألك
